((احنا ولادك))
عيني عليك يا مصري تملي كده شقيان.. شايل الهم في جوفك ولسه
برضوا جعان ..
شارب من كاس المر ولسه برضوا عطشان..
مولود منك في حضنك كنت بنام علي غناويكي
ربتينا وكبرتينا وعلي ايديكي علمتينا .. نتحدي لو مين كان؟
يا ام الدنيا::
ليه دلوقتي ولادك اتفرقوا هنا وهناك وفي كل مكان؟؟
ليه فيهم اللي بيحميكي ..واللي بيفرط فيكي .. واللي عايز
يورثك وانتي لسه نبضك فيكي( ما ماتش)
معقول ده الحال !!! ده كان م المحال يتشتت ولادك علي اراضيكي
ليه مش قادرين نحلم والحلم مننا هربان؟؟؟؟؟
ليه محدش في حضنك بقي عارف ينام؟؟؟؟؟
ولا عارفه تغفل اجفان... كل الحكايه احنا ولادك عايزين العدل
والحريه وحشنا الدفا والامان نفسنا محدش يبات ويصبح جعان ....
شيماء السيد
No comments:
Post a Comment