صقر السويس ... سلامتك
قناوى : ليه أقتصر الأحتفال بـ24 أكتوبر على طلبة المدارس بعد أنتهاء اليوم الدراسى بعد ما كان عيد لمصر كلها ؟
قناوى : السفارة الأسرائيلية تقع غرب النيل ....!!
حوار هند حسن
إذا كنت من سكان حى فيصل فلابد إنك قد ركبت معه الميكروباص فى إحدى المرات حيث إنه سائق على هذا الخط منذ سنوات و لعلك تكون قد شاغبت معه على الأجرة أو عاملته بغطرسة كعادة بعض الركاب دون أن تدرى أو تعلم و هذا لتقصير منك أن هذ السائق البسيط الذى تناديه ( على جنب ياسطه ) هو جزء هام من تاريخ مدينتك فى النضال الشعبى و العمل الفدائى ، وإنه لا يُذكر تاريخ السويس فى المقاومة الشعبية إلا و يذكر أسم عبد المنعم القناوى الشهير بــ عم قناوى
عبد المنعم القناوى هو صقر السويس أحد أعضاء منظمة سيناء العربية التى قامت بالعديد من العمليات الفدائية منذ حرب الأستنزاف و حتى العبورفى 73 و هو أحد الذين شاركوا فى العملية الشهيرة وضح النهار التى تحدثت عنها كل الجرائد فى هذا الوقت عام 69 و نسبتها للقوات المسلحة و هو كذلك الذى ذهب أولا خلف خطوط العدو قبل الحرب بعشرين يوم و هو الذى عبر من الدفرسوار أثناء الثغرة التى كادت تنهى الحرب لصالح العدو لولا بطولة الفدائيين أبناء السويس و صمود أهلها و هو أيضا الذى أنقذ قيادة الجيش الثالث من هلاك محقق و هو الذى ظل مائة يوم وحيدا بلا مؤن فوق جبل عتاقة أثناء حصار السويس ليستطلع أخبار العدو
عبد المنعم قناوى هو ببساطة هذا البطل الذى إن أوجزت أعماله الفدائية ظلمته لأننى سأغفل العديد و العديد من التفاصيل التى توضح شجاعته و بسالته و تنم عن إخلاصه و حبه لهذا الوطن ، و إن أفردت له الصفحات فلن أوفيه حقه و حق كل الأبطال الفدائيين الذين شاركوا معه فى صُنع تاريخ بلدنا فى النضال و المقاومة الشعبية
و دورهم الهام فى الكفاح الوطنى غير منتظرين جزاء و لا شكورا
ذهبنا إليه فى منزله المتواضع فى حى فيصل لنطمئن على سلامته بعد الأزمة الصحية التى تعرض لها مؤخراً ، حيث أصيب يثلاث جلطات فى المخ و نتبادل معه أطراف الحديث و الذى كان من الممتع الأستماع إليه
- أزيك ياعم قناوى و أزى صحتك ؟؟
- الحمدلله ... نحمده على كل شىء
- إيه اللى جرالك و حصلك إيه ؟؟
- شوفى أنا فى البداية عايز أشكر أربعة المحافظ اللواء سيف الدين جلال و الشيخ حافظ سلامة و الكاتب الأستاذ محمد الشافعى و الأستاذ جمال الغيطانى اللى إن شاءالله ربنا هيكرمه بنوبل
- انا عرفت باللى حصلك من الاستاذ محمد الشافعى فى برنامج العاشرة مساء .....
- أيوا هو كان أتصل بيه فى البيت عشان أطلع معاه فى العاشرة مساء و العيال ردوا عليه و قالوله انى فى العناية المركزه فى المستشفى العام بقالى سبعة عشر يوم و الراجل أستقبل الخبر بذهول و قال فى البرنامج أن واحد من الفدائيين يرقد مريضا فى العناية المركزة بالمستشفى العام و ليه ميتعالجش على نفقة القوات المسلحة و هو واحد خدم الوطن و دافع عن البلد و لم ينتظر مقابل من أحد ..... و يشاءالله ان يكون رد فعل القوات المسلحة سريعا جدا ففى اليوم التالى من إذاعة الحلقة أصدر المشير طنطاوى قراراً بعلاجى على نفقة القوات المسلحة و نقلى لمستشفى عجرود أو مستشفى المعادى على حسب حالتى الصحية .... و قد كان صديقى الفدائى محمود طه قد تقدم بطلب للمحافظ لعلاجى على نفقة القوات المسلحة و قد وافق المحافظ و كنا فى انتظار إنتهاء الإجراءات و لكن قرار المشير طنطاوى كان أسرع من الأجراءات و فى اليوم التالى وجدت نفسى أرقد فى مستشفى المعادى
- طيب و قالولك عندك أيه ....؟؟؟
- هنا فى السويس روحت لخمس دكاترة محدش منهم عرف أنا عندى أيه ... حتى الشيخ حافظ سلامة ربنا يكرمه لما لقانى تعبان و مفيش فايدة كلف أحد الأخوة أن يصحبنى بعربيته الخاصة إلى ثلاث أطباء بالقاهرة
و كان كل دكتور منهم يكتب روشته بعلاج لغاية الكتور الاخير طلب منى أشعة و تحاليل فطلبت منه أنى أعمل الحاجات ديه فى السويس و للأسف المرض لم يُمهلنى فقد ساءت حالتى جدا و أتحجزت فى العناية المركزة ...حتى ذهبت إلى مستشفى المعادى و بعد فحوصات و أشعة عرفت أن عندى ثلاث جلطات بالمخ فى الشرايين المتعلقة بالكلام و النطق و الذاكرة ، و لولا ستر من الله أنى أتلحقت فى البداية ، و إلا كان زمان الله أعلم بحالتى دلوقتى إيه .
- حمدلله على سلامتك ..... قولى بقه إيه رأيك فى التطبيع مع اسرائيل ؟؟
- أنا ميهمنيش التطبيع أنا يهمنى الوضع العسكرى ... أحنا وضعنا أيه العسكرى ... جيشنا قوى و دفاعنا قوى ؟؟
جيشنا جاهز و متدرب و مستعد و لا لاء ؟؟؟ ده اللى يهمنى و يقلقنى .... يهمنى الوضع العسكرى فى سينا . أتفاقية كامب ديفيد المشئومة تمنعنا نحط دبابة و لا عسكرى فى سينا .... و هى سينا ديه شوية ديه تلت مساحة مصرو أهيه مرمية فاضية و صحرا ... ديه سينا البوابة الشرقيه لمصر و صمام الأمان من أخطر عدو عرفته مصر .... تعالى بقه شوفى الجنوب التربيطات و الأتفاقيات اللى بتعملها اسرائيل مع دول حوض النيل و الفلوس اللى بتدفعها مستغله فقرهم عشان تمسك علينا محبس الميه و أحنا فين من ده كله ؟؟ و لا أحنا هنا
من ناحية تمنعنا نحط دبابة و لا مدرعة نحمى بيها حدودنا فى سينا و من ناحية تانيه هتقفل علينا محبس الميه و تحط ايدها على منابع النيل .... و تقولى تطبيع !!!!؟ شوية غاز و لا مزروعات و لا مش عارف أيه أهم و لا سينا و حوض النيل هو الأهم ؟؟ تعرفى فين مقر السفارة الاسرائيلية فى القاهرة ؟؟؟
- لاء معرفش .....
- غرب النيل ... شوفى اختاروا المكان فين ... حلمهم اسرائيل الكبرى من الفرات للنيل ... أهم أستولوا على العراق تحت أى مسمى و هنا مقر سفارتهم غرب النيل ... عشان تبقى من النيل للفرات ، و فى اسرائيل الجيش بيطالب ان اللغة العربية تُدرس رسميا و اجبارى على الطلاب عشان محتاجينها و خصوصا فى المجال الاستخباراتى ، طب احنا هنا عندنا كام واحد بيتكلم عبرى ، كام واحد يعرف لغة عدوه ؟ كام واحد منتبه للعدو اللى قاعد متربص بينا .؟؟
- وجهة نظر بردوا و اللبيب بالإشارة يفهمُ ، طب يا عم قناوى أيه رأيك فى الشباب اللى طالع الأيام ديه اللى لا شاف حرب و لا أحتلال و لا عرف ذُل الأستعمار .. حتى ثقافته عن حرب أكتوبر تكاد تكون معدومة ؟؟
- و الله مش كلهم فيه شباب ميسواش تعريفة لكن فيه شباب ثقة و جامد الرسول عليه السلام قال أستوصوا بأهل مصر خيرا و أتخذوا منها جُندا كثيرا فأنهم خير أجناد الأرض وهم فى رباط إلى يوم الدين ... عشان كده لازم نثق دايما فى الشباب و فى قوتهم و صلابتهم ....لكن هما هيعرفوا عن أكتوبر إزاى ؟؟؟ اذا كان الإعلام يجى فى 6 أكتوبر يذيع فيلم و كام اغنية وطنيه و شكرا على كده .... لابد من تنشيط الذاكرة الوطنيه طول العام مش يوم فى السنه و خلاص ... أجيب الناس اللى حاربت و الناس اللى شافت الحرب بعنيها تحكى و تعمل ندوات و مؤتمرات و تبث روح المقاومة و الوطنيه طول الوقت فى الشباب ، عشان مينسوش أن معركتهم مع اسرائيل لسه مخلصتش و ان العدو مستنى الفرصة و الظروف عشان يحقق حلمه باسرائيل الكبرى ... موشيه ديان فى أحد المؤتمرات الأسرائيلية لما سُئل ممكن تحارب مصر مرة تانية ؟؟؟ قال نعم – عندما ينتهى جيل أكتوبر ... عشان كده مش لازم ينتهى الجيل ده و لازم ينقل تجاربه و خبرته و أحساسه الوطنى للأجيال الجاية و ديه مسئولية الدولة لازم تحيى ذكرى أكتوبر كما يليق بها و ذكرى 24 أكتوبر
- انت راضى عن الأحتفال بـــ 24 أكتوبر كل عام ؟؟
- الرئيس السادات قال أن السويس فى 24 أكتوبر كانت بتدافع عن مصر كلها و ده عيد لمصر كلها وأجازة رسمية لكل المصريين ثم تحول إلى أجازة رسمية لمحافظة السويس فقط ثم أقتصر على طلبة المدارس و دلوقتى حتى فى المدارس أصبح الأحتفال بيه بعد أنتهاء اليوم الدراسى ... شوفى الأحتفال وصل لغاية فين من كل الجمهورية الى طلبة المدارس اللى ما يصدقوا يخلص اليوم عشان يجروا على بيوتهم ، لمصلحة مين اللى بيحصل ده ؟؟ و نرجع نقول شبابنا ميعرفش حاجة عن أكتوبر و لا عن الحرب .... و يعرف إزاى طالما فيه تقصير إعلامى ؟
- طيب يا عم قناوى و أنت طالع بالميكروباص محدش بيركب معاك و يعرفك و لا يشبه عليك و يقول أنا شوفتك فبل كده فى التليفزيون ؟؟
- مرة حصلت قبل كده و ركب معايا راجل كبير و عرفنى و أتكلمنا طول الطريق عن الحرب و الفدائيين و اللى عملناه فى السويس و فى حرب الاستنزاف و بعد ما نزل الراجل شاب كده سألنى بسخرية و هى العربية ديه بقه أديتهالك الدولة !!!!؟ كأن أحنا لما خدمنا بلدنا و شيلنا روحنا على كفنا كنا مستنين مقابل من حد و لا بندور على مكافأة و لا عايزين شكر ، ده أنا دلوقتى لما بقعد فى البلكونه و اشوف جبل عتاقة قدامى استغرب و أقول معقول أنا كنت عالجبل ده رايح جاى عليه و لا معايا لقمة و لا حبة ميه !!!؟
و لا لما كنا بنعبر الخليج رايح جاى بقارب مطاطى عمرنا ما فكرنا طب لو غرقنا و لا لو القارب غرق هنعوم قد أيه ؟؟؟ و الله ما كان لنا دافع غير حب الوطن و العمل الفدائى و عمرنا ما أنتظرنا حاجة من حد
- عندك حق يا عم قناوى الروح ديه هى اللى خلتنا نحارب و نعبر القناة و ننتصر نصر عظيم شكرا لك يا عم قناوى على هذا الحوار الجميل و الممتع بس أنا بقه عايزة صورة لك و الافضل لو صورتك وانت مع الرشاش
قالى من عنيا و لو أن الصورة ديه موجوده عند الأستاذ عبد الحميد و ذهب ليأتى بشنطة بها ما يمكن أن نسميه أرشيف كامل وثائقى يجمع كل ما كُتب أو نُشر عن الحرب و الفدائيين فى السويس و قد لمحت اثناء بحثى معه على الصورة ورقه بها خبر عن موافقة مجلس الشعب على منح مجاهدين أعضاء منظمة سيناء العربية مكافأة شهرية قدرها 500 جنيه
- فسألته هل تحصلون حقاً على هذه المكافأة ؟؟
- فضحك ساخرا – هذه موافقة ورقية و يوجد ما هو أكثر من ذلك ( وأخرج لى ورقة اخرى بها خبر عن توصيات لمجلس الشعب بتخصيص عشرة أفدنه لكل مجاهد أضافة إلى الـــ 500 جنيه )
- فسألته مندهشه طب ليه يا عم قناوى مش بتطالبوا بحقكم طالما فيه موافقة من مجلس الشعب و قبلها كان فيه توصيات و ده أقل واجب من الدولة ؟؟
- و هو أحنا اللى هنطالب !!!!؟ الكلام ده من 11 سنه لو احنا مستنين حاجة و لا عايزين حاجة كنا إتكلمنا و سعينا و سألنا و دورنا لكن أحنا مش منتظرين شىء من حد و لا مقابل لحبنا لبلدنا و تمن وطنيتنا ، التكريم من عند الله فقط
- صدقت يا عم قناوى ليس لدى ما أقوله رداً على كلماتك التى تنم على حس وطنى عالى و قناعة و إخلاص نادرا مانرى مثلهم فى زمن أنتصرت فيه المصالح على القيم ... أنت و كل الفدائيين و الشهداء فخر لنا و لكل فرد من أبناء السويس .
و لكننا بدورنا نسأل المحافظ أين التكريم الأدبى و المعنوى لهؤلاء الأبطال لماذا لم يحمل أى من شوارع السويس أسماً لشهيد أو فدائى أستبسل فى شوارع هذه المدينة ؟؟ أليس هذا من حقهم علينا ؟؟
و نسأل أعضاء مجلس الشعب الأربعة لماذا لا تسعون لتنفيذ توصيات المجلس ؟؟ لماذا لا تفعلون شيأ نشكركم عليه و نذكركم به بعد رحيلكم ؟؟ .
قناوى : ليه أقتصر الأحتفال بـ24 أكتوبر على طلبة المدارس بعد أنتهاء اليوم الدراسى بعد ما كان عيد لمصر كلها ؟
قناوى : السفارة الأسرائيلية تقع غرب النيل ....!!
حوار هند حسن
إذا كنت من سكان حى فيصل فلابد إنك قد ركبت معه الميكروباص فى إحدى المرات حيث إنه سائق على هذا الخط منذ سنوات و لعلك تكون قد شاغبت معه على الأجرة أو عاملته بغطرسة كعادة بعض الركاب دون أن تدرى أو تعلم و هذا لتقصير منك أن هذ السائق البسيط الذى تناديه ( على جنب ياسطه ) هو جزء هام من تاريخ مدينتك فى النضال الشعبى و العمل الفدائى ، وإنه لا يُذكر تاريخ السويس فى المقاومة الشعبية إلا و يذكر أسم عبد المنعم القناوى الشهير بــ عم قناوى
عبد المنعم القناوى هو صقر السويس أحد أعضاء منظمة سيناء العربية التى قامت بالعديد من العمليات الفدائية منذ حرب الأستنزاف و حتى العبورفى 73 و هو أحد الذين شاركوا فى العملية الشهيرة وضح النهار التى تحدثت عنها كل الجرائد فى هذا الوقت عام 69 و نسبتها للقوات المسلحة و هو كذلك الذى ذهب أولا خلف خطوط العدو قبل الحرب بعشرين يوم و هو الذى عبر من الدفرسوار أثناء الثغرة التى كادت تنهى الحرب لصالح العدو لولا بطولة الفدائيين أبناء السويس و صمود أهلها و هو أيضا الذى أنقذ قيادة الجيش الثالث من هلاك محقق و هو الذى ظل مائة يوم وحيدا بلا مؤن فوق جبل عتاقة أثناء حصار السويس ليستطلع أخبار العدو
عبد المنعم قناوى هو ببساطة هذا البطل الذى إن أوجزت أعماله الفدائية ظلمته لأننى سأغفل العديد و العديد من التفاصيل التى توضح شجاعته و بسالته و تنم عن إخلاصه و حبه لهذا الوطن ، و إن أفردت له الصفحات فلن أوفيه حقه و حق كل الأبطال الفدائيين الذين شاركوا معه فى صُنع تاريخ بلدنا فى النضال و المقاومة الشعبية
و دورهم الهام فى الكفاح الوطنى غير منتظرين جزاء و لا شكورا
ذهبنا إليه فى منزله المتواضع فى حى فيصل لنطمئن على سلامته بعد الأزمة الصحية التى تعرض لها مؤخراً ، حيث أصيب يثلاث جلطات فى المخ و نتبادل معه أطراف الحديث و الذى كان من الممتع الأستماع إليه
- أزيك ياعم قناوى و أزى صحتك ؟؟
- الحمدلله ... نحمده على كل شىء
- إيه اللى جرالك و حصلك إيه ؟؟
- شوفى أنا فى البداية عايز أشكر أربعة المحافظ اللواء سيف الدين جلال و الشيخ حافظ سلامة و الكاتب الأستاذ محمد الشافعى و الأستاذ جمال الغيطانى اللى إن شاءالله ربنا هيكرمه بنوبل
- انا عرفت باللى حصلك من الاستاذ محمد الشافعى فى برنامج العاشرة مساء .....
- أيوا هو كان أتصل بيه فى البيت عشان أطلع معاه فى العاشرة مساء و العيال ردوا عليه و قالوله انى فى العناية المركزه فى المستشفى العام بقالى سبعة عشر يوم و الراجل أستقبل الخبر بذهول و قال فى البرنامج أن واحد من الفدائيين يرقد مريضا فى العناية المركزة بالمستشفى العام و ليه ميتعالجش على نفقة القوات المسلحة و هو واحد خدم الوطن و دافع عن البلد و لم ينتظر مقابل من أحد ..... و يشاءالله ان يكون رد فعل القوات المسلحة سريعا جدا ففى اليوم التالى من إذاعة الحلقة أصدر المشير طنطاوى قراراً بعلاجى على نفقة القوات المسلحة و نقلى لمستشفى عجرود أو مستشفى المعادى على حسب حالتى الصحية .... و قد كان صديقى الفدائى محمود طه قد تقدم بطلب للمحافظ لعلاجى على نفقة القوات المسلحة و قد وافق المحافظ و كنا فى انتظار إنتهاء الإجراءات و لكن قرار المشير طنطاوى كان أسرع من الأجراءات و فى اليوم التالى وجدت نفسى أرقد فى مستشفى المعادى
- طيب و قالولك عندك أيه ....؟؟؟
- هنا فى السويس روحت لخمس دكاترة محدش منهم عرف أنا عندى أيه ... حتى الشيخ حافظ سلامة ربنا يكرمه لما لقانى تعبان و مفيش فايدة كلف أحد الأخوة أن يصحبنى بعربيته الخاصة إلى ثلاث أطباء بالقاهرة
و كان كل دكتور منهم يكتب روشته بعلاج لغاية الكتور الاخير طلب منى أشعة و تحاليل فطلبت منه أنى أعمل الحاجات ديه فى السويس و للأسف المرض لم يُمهلنى فقد ساءت حالتى جدا و أتحجزت فى العناية المركزة ...حتى ذهبت إلى مستشفى المعادى و بعد فحوصات و أشعة عرفت أن عندى ثلاث جلطات بالمخ فى الشرايين المتعلقة بالكلام و النطق و الذاكرة ، و لولا ستر من الله أنى أتلحقت فى البداية ، و إلا كان زمان الله أعلم بحالتى دلوقتى إيه .
- حمدلله على سلامتك ..... قولى بقه إيه رأيك فى التطبيع مع اسرائيل ؟؟
- أنا ميهمنيش التطبيع أنا يهمنى الوضع العسكرى ... أحنا وضعنا أيه العسكرى ... جيشنا قوى و دفاعنا قوى ؟؟
جيشنا جاهز و متدرب و مستعد و لا لاء ؟؟؟ ده اللى يهمنى و يقلقنى .... يهمنى الوضع العسكرى فى سينا . أتفاقية كامب ديفيد المشئومة تمنعنا نحط دبابة و لا عسكرى فى سينا .... و هى سينا ديه شوية ديه تلت مساحة مصرو أهيه مرمية فاضية و صحرا ... ديه سينا البوابة الشرقيه لمصر و صمام الأمان من أخطر عدو عرفته مصر .... تعالى بقه شوفى الجنوب التربيطات و الأتفاقيات اللى بتعملها اسرائيل مع دول حوض النيل و الفلوس اللى بتدفعها مستغله فقرهم عشان تمسك علينا محبس الميه و أحنا فين من ده كله ؟؟ و لا أحنا هنا
من ناحية تمنعنا نحط دبابة و لا مدرعة نحمى بيها حدودنا فى سينا و من ناحية تانيه هتقفل علينا محبس الميه و تحط ايدها على منابع النيل .... و تقولى تطبيع !!!!؟ شوية غاز و لا مزروعات و لا مش عارف أيه أهم و لا سينا و حوض النيل هو الأهم ؟؟ تعرفى فين مقر السفارة الاسرائيلية فى القاهرة ؟؟؟
- لاء معرفش .....
- غرب النيل ... شوفى اختاروا المكان فين ... حلمهم اسرائيل الكبرى من الفرات للنيل ... أهم أستولوا على العراق تحت أى مسمى و هنا مقر سفارتهم غرب النيل ... عشان تبقى من النيل للفرات ، و فى اسرائيل الجيش بيطالب ان اللغة العربية تُدرس رسميا و اجبارى على الطلاب عشان محتاجينها و خصوصا فى المجال الاستخباراتى ، طب احنا هنا عندنا كام واحد بيتكلم عبرى ، كام واحد يعرف لغة عدوه ؟ كام واحد منتبه للعدو اللى قاعد متربص بينا .؟؟
- وجهة نظر بردوا و اللبيب بالإشارة يفهمُ ، طب يا عم قناوى أيه رأيك فى الشباب اللى طالع الأيام ديه اللى لا شاف حرب و لا أحتلال و لا عرف ذُل الأستعمار .. حتى ثقافته عن حرب أكتوبر تكاد تكون معدومة ؟؟
- و الله مش كلهم فيه شباب ميسواش تعريفة لكن فيه شباب ثقة و جامد الرسول عليه السلام قال أستوصوا بأهل مصر خيرا و أتخذوا منها جُندا كثيرا فأنهم خير أجناد الأرض وهم فى رباط إلى يوم الدين ... عشان كده لازم نثق دايما فى الشباب و فى قوتهم و صلابتهم ....لكن هما هيعرفوا عن أكتوبر إزاى ؟؟؟ اذا كان الإعلام يجى فى 6 أكتوبر يذيع فيلم و كام اغنية وطنيه و شكرا على كده .... لابد من تنشيط الذاكرة الوطنيه طول العام مش يوم فى السنه و خلاص ... أجيب الناس اللى حاربت و الناس اللى شافت الحرب بعنيها تحكى و تعمل ندوات و مؤتمرات و تبث روح المقاومة و الوطنيه طول الوقت فى الشباب ، عشان مينسوش أن معركتهم مع اسرائيل لسه مخلصتش و ان العدو مستنى الفرصة و الظروف عشان يحقق حلمه باسرائيل الكبرى ... موشيه ديان فى أحد المؤتمرات الأسرائيلية لما سُئل ممكن تحارب مصر مرة تانية ؟؟؟ قال نعم – عندما ينتهى جيل أكتوبر ... عشان كده مش لازم ينتهى الجيل ده و لازم ينقل تجاربه و خبرته و أحساسه الوطنى للأجيال الجاية و ديه مسئولية الدولة لازم تحيى ذكرى أكتوبر كما يليق بها و ذكرى 24 أكتوبر
- انت راضى عن الأحتفال بـــ 24 أكتوبر كل عام ؟؟
- الرئيس السادات قال أن السويس فى 24 أكتوبر كانت بتدافع عن مصر كلها و ده عيد لمصر كلها وأجازة رسمية لكل المصريين ثم تحول إلى أجازة رسمية لمحافظة السويس فقط ثم أقتصر على طلبة المدارس و دلوقتى حتى فى المدارس أصبح الأحتفال بيه بعد أنتهاء اليوم الدراسى ... شوفى الأحتفال وصل لغاية فين من كل الجمهورية الى طلبة المدارس اللى ما يصدقوا يخلص اليوم عشان يجروا على بيوتهم ، لمصلحة مين اللى بيحصل ده ؟؟ و نرجع نقول شبابنا ميعرفش حاجة عن أكتوبر و لا عن الحرب .... و يعرف إزاى طالما فيه تقصير إعلامى ؟
- طيب يا عم قناوى و أنت طالع بالميكروباص محدش بيركب معاك و يعرفك و لا يشبه عليك و يقول أنا شوفتك فبل كده فى التليفزيون ؟؟
- مرة حصلت قبل كده و ركب معايا راجل كبير و عرفنى و أتكلمنا طول الطريق عن الحرب و الفدائيين و اللى عملناه فى السويس و فى حرب الاستنزاف و بعد ما نزل الراجل شاب كده سألنى بسخرية و هى العربية ديه بقه أديتهالك الدولة !!!!؟ كأن أحنا لما خدمنا بلدنا و شيلنا روحنا على كفنا كنا مستنين مقابل من حد و لا بندور على مكافأة و لا عايزين شكر ، ده أنا دلوقتى لما بقعد فى البلكونه و اشوف جبل عتاقة قدامى استغرب و أقول معقول أنا كنت عالجبل ده رايح جاى عليه و لا معايا لقمة و لا حبة ميه !!!؟
و لا لما كنا بنعبر الخليج رايح جاى بقارب مطاطى عمرنا ما فكرنا طب لو غرقنا و لا لو القارب غرق هنعوم قد أيه ؟؟؟ و الله ما كان لنا دافع غير حب الوطن و العمل الفدائى و عمرنا ما أنتظرنا حاجة من حد
- عندك حق يا عم قناوى الروح ديه هى اللى خلتنا نحارب و نعبر القناة و ننتصر نصر عظيم شكرا لك يا عم قناوى على هذا الحوار الجميل و الممتع بس أنا بقه عايزة صورة لك و الافضل لو صورتك وانت مع الرشاش
قالى من عنيا و لو أن الصورة ديه موجوده عند الأستاذ عبد الحميد و ذهب ليأتى بشنطة بها ما يمكن أن نسميه أرشيف كامل وثائقى يجمع كل ما كُتب أو نُشر عن الحرب و الفدائيين فى السويس و قد لمحت اثناء بحثى معه على الصورة ورقه بها خبر عن موافقة مجلس الشعب على منح مجاهدين أعضاء منظمة سيناء العربية مكافأة شهرية قدرها 500 جنيه
- فسألته هل تحصلون حقاً على هذه المكافأة ؟؟
- فضحك ساخرا – هذه موافقة ورقية و يوجد ما هو أكثر من ذلك ( وأخرج لى ورقة اخرى بها خبر عن توصيات لمجلس الشعب بتخصيص عشرة أفدنه لكل مجاهد أضافة إلى الـــ 500 جنيه )
- فسألته مندهشه طب ليه يا عم قناوى مش بتطالبوا بحقكم طالما فيه موافقة من مجلس الشعب و قبلها كان فيه توصيات و ده أقل واجب من الدولة ؟؟
- و هو أحنا اللى هنطالب !!!!؟ الكلام ده من 11 سنه لو احنا مستنين حاجة و لا عايزين حاجة كنا إتكلمنا و سعينا و سألنا و دورنا لكن أحنا مش منتظرين شىء من حد و لا مقابل لحبنا لبلدنا و تمن وطنيتنا ، التكريم من عند الله فقط
- صدقت يا عم قناوى ليس لدى ما أقوله رداً على كلماتك التى تنم على حس وطنى عالى و قناعة و إخلاص نادرا مانرى مثلهم فى زمن أنتصرت فيه المصالح على القيم ... أنت و كل الفدائيين و الشهداء فخر لنا و لكل فرد من أبناء السويس .
و لكننا بدورنا نسأل المحافظ أين التكريم الأدبى و المعنوى لهؤلاء الأبطال لماذا لم يحمل أى من شوارع السويس أسماً لشهيد أو فدائى أستبسل فى شوارع هذه المدينة ؟؟ أليس هذا من حقهم علينا ؟؟
و نسأل أعضاء مجلس الشعب الأربعة لماذا لا تسعون لتنفيذ توصيات المجلس ؟؟ لماذا لا تفعلون شيأ نشكركم عليه و نذكركم به بعد رحيلكم ؟؟ .
