البس هدوم العيد
دمك ماهوش عوره
بكره العزا يا شهيد
يا ريس الثوره
كل الحلال بين
ازاي اذا تحتار
بكره اللي هيبين
مين اللي مش ثوار
اعمل حساب بكره
واجهز عشان نازلين
الثوره لو فكره
طبقها ف الميادين
خلي الهتاف واضح
خلي الايدين ثابتين
اسلوبهم الفاضح
دانهم ليوم الدين
ماتقولش حريه
لو بكره مش نازل
وانا بنت مصريه
مش ناويه تتنازل
سلمـــــــــــــــــي رشيـــــــــــــــــــــ
No comments:
Post a Comment